Team ṭha Bawngkawn hmaah Tuirial

Vawiin chawhma dar 8:00 hian team ṭha zinga mi Bawngkawn chu a vawi khat nan RG Stadium-ah an inlan dawn a, Tuirial an hmachhawn ang. Tuirial hian match hmasa berah Rengdil penalty shootout hmangin an hneh.

Bawngkawn hi Mizo player langsar MS Dawngliana, Immanuel HS Lalṭhazuala, H. Lalmuankima, Lalnuntluanga, Isak Vanlalruatfela, KC Larchhuakmawia leh Ronald Zothanzama te bakah I League club Sudeva forward R. Lawmnasangzuala te an kawl a, F. Lalrozama'n a enkawl. Coach leh player-te thlir hian team ṭha zinga chhiar loh theih loh an ni.