Danmawia hoin Sialhawk chak zel

Lammual inkhelah Sialhawk chuan Inrinni khan Samtlang 6-0 in an sawp. Inkhel dangah Bethlehem rawlthar rualin Selesih an hneh lo.

Sialhawk tan R. Laldanmawia a la che ṭha zel a, ISL club North East United forward Danmawia leh Crespo VL Hriatpuia ten goal hnih ve ve an khung. Rotluangliana leh Lalfamkima ten goal khat ve ve an khung bawk.

Sialhawk hian last 64-ah Selesih an hmachhawn dawn. Selesih hian first round-ah MPL club nei Bethlehem an hneh a, hun pangngaia 1-1 an inhnehtawk hnuah penalty shootout-ah an chak.