Champhai Kanan leh Melbuk an chak

5th July, 2022

LBS Suzuki All Mizoram Inter Village Football Tournament 2022-ah Champhai aṭanga tel team an che ṭha a, Upa C. Keikhuma Memorial Trophy champion Melbukin Chiahpui 13-0 a an sawp bakah Champhai Kananin team ṭha zinga chhiar tel Serchhip Jt. VC chu penalty shootout hmangin an hneh bawk. Champhai Kanan leh Melbuk hi July 6, Nilaini tlai dar 2:30 hian Lammualah an inkhel ang.

Goal 10 luhna
Serchhip Jt. VC leh Champhai Kanan te hi inkhelh hma hauhin team ṭha ve vea ngaih an ni. Champhai Kanan hi Mizo defender ṭha Lalchhawnkima'n a ho a, Serchhip lakah an chungnung zawk. Kanan tan hian Laltlanzova'n hattrick a siam bakah Ramdinthara'n goal hnih a khung bawk.

Chutihrualin Serchhip tan Mizoram striker Lalrinzuala a che ṭha a, goal nga ngawt a khung. Rinzuala zarah Serchhipin Champhai Kanan hi hun pangngaiah 5-5 in an draw hram a, penalty shootout-ah erawh an vannei zo ta lo. Serchhip hian Inter Village Football an hmachhawn hma hian an khaw chhungah Inter Branch YMA football inelna an buatsaih a, team angin training an nei ṭha tawk lo ve bawk.

Rematch chu
Coach Lalsangzuala Hmar enkawl Melbukin team ṭha an ni tih an pholang chhunzawm a, Chiahpui VC team chu 13-0 ngawtin an sawp. Melbuk tan hian Lallawmtluanga'n goal nga a khung a, Mark Chingsangpau leh Lalsawmzela ten hattrick an siam bakah Lalramchhana'n goal hnih a khung.

Melbuk hian third round-ah Champhai Kanan an hmachhawn dawn. Team pahnih hi Champhai-a football inelna Upa C. Keikhuma Memorial Trophy last 16-ah an lo inkhel tawh a, champion zui ta Melbuk hian 3-1 in hnehna an chang.

Inkhel dang
Lengpuia inkhel hnuhnung berah Thakthingin Ramhlun Sports Complex 8-0 in an sawp a, Thomas Lalengkima telna Thakthing tan chanchin lawmawm a tling ang. Team pahnih hi first round-ah an bye ve ve a, Thakthing hian Zokhawthar hmaah fiahna an hmachhawn ang.

RG Stadium-ah team ṭha Bawngkawn an inlan a, Tuirial 9-0 in an sawp. Hlimen pawhin team tum châkawm loh an ni tih lantir nan New West Phaileng 10-0 in an sawp ve bawk. Falkawnin Govt. Complex chu 3-1 in an hneh a, Ramhlun Derby-ah Ramhlun North-in 4-1 in Ramhlun Venglai an hneh bawk.

Lammual inkhel pali zinga pathumah penalty shootout hmangin chak zawk zawnna neih a ni. Keiṭum, Mamit Jt VC leh Parvatui ten an khingpui North Chawnpui, Ngopa leh Thingdawl te penatly hmang vekin an hneh. Inkhel hnuhnung berah Suarhliap-in Damdiai 4-1 in an sawp thung.

Nimin Inkhel Results
Khelmual : Lammual
North Chawnpui VC 2 - 2 Keitum VC
Penalty Shootout-ah Keitum VC 3-2 in an chak
NCH : Lawmsangzela 41' (OG); Lawmsangzela 66'
KEI : Lalthlanawma 8' (P), 60' (P)
Ngopa VC 0 - 0 Mamit Jt VC
Penalty Shootout-ah Mamit Jt VC 3-0 in an chak
Thingdawl VC 0 - 0 Parvatui VC
Penalty Shootout-ah Parvatui 4-3 in an chak
Damdiai VC 1 - 4 Suarhliap VC
DAM : Jotiba Meska 30'
SUA : Lalpianfela 31', 59'(P); Nicky Lalhminghlua 72'; Lalzemawia 82'

Khelmual : RG Stadium, Mualpui
Bawngkawn LC 9 - 0 Tuirial VC
BAW : Vanlalawmpuia 4', 8', 52'(P), 63'; Lalremruata 26'; Lalṭhakima 40'; K.C. Larchhuakmawia 45+1'; M.S. Dawngliana 73', 79'
Hlimen LC 10 - 0 New West Phaileng VC
HLI : Rampianmawia 14', 32', 89'; Ramdinsanga 19', 30', 40', 45+1'; Lawmsangzela 45+2', 76'; Lalhlimpuia 63'
Govt Complex LC 1 - 3 Falkawn VC
GCO : Lalhmingmawia 54'
FAL : Ramdintluanga 19', 70'; Abel Lalruatfela 77'
Ramhlun North LC 4 - 1 Ramhlun Venglai LC
RAN : V. Lalchhuanawma 43'; Lalpekhlua Jongte 65'; PC Lalhruaisanga, 72'; Lalrosanga 74'
RVL : C. Vanlalnghaka 32' (OG)

Khelmual : MFA Ground, Sairang Dinthar
Sailutar VC 1 - 7 Sihphir VC
SAI : Lalrindanga 38'
SIH : H. Lalbiakdika 14', 36'; C.Lalrinkima 40'; Isac Zomuanpuia 51', 53'; Lalneihkima 58'; Zorempuia 72'
Dawrpui LC 3 - 2 Tlangnuam Vengthar LC
DAW : Benjamin Lalthlanawma 11'; R.Zoremtluanga 36'; John Lalmuanpuia 43'
TLA : Remruatfela 10'; Jerry Lalrinzuala 34'
Lawipu LC 0 - 2 Lungtian VC
LUN : V. Roduhawma 56'; Hmangaihzamvel 90'

Khelmual : Lengpui MSC
Serchhip Jt. VC 5 - 5 Champhai Kanan VC
Penalty Shootout-ah Champhai Kanan 5-4 in an chak
SER : Lalrinzuala 26', 45', 58', 61', 83'
CHA : Laltlanzova 5', 22', 64'; Ramdinthara 7', 71'
Chiahpui VC 0 - 13 Melbuk VC
MEL : Lallawmtluanga 3', 8,' 10,' 62' 83'; Mark Chingsangpau 17', 20', 78'; Lalsawmzela 25', 26', 33'; Lalramchhana 61', 70'
Thakthing LC 8 - 0 Ramhlun Sports Complex LC
THA : Lalhmingmuanpuia 3', 21'; S. Jelibon 39'; Lalrintluanga 74'; Lawmsangzuala 78'; R. Lalrinhlua 80', 88' (P); Lalrindika 85'