MSL All Star a hlawhtling

Mizoram Super League Season 3 All Star chu Inrinni zan khan Hawla Indoor Stadium-ah neih a ni a, basketball player-te tana en manhla khawpin an thiamna an pho chhuak.

Slam Dunk Contest-ah Mission Veng Vikings chhuanvawr Ronald March chu chiang takin pakhatna a ni a, 3-points shootout-ah Zarkawt Serpents guard Lalsangkima Ralte pakhatna a ni bawk.

All Star Game-ah Team South-in Team North chu 109 - 95 in an hneh a, inkhel hi chak tum ngawr ngawr ni loin thiam thil lantirna hun atana hman a nih avangin a hmuhnawm danglam hle.