Sociedad zarah Sevilla-in Champions League khel dawn

Thawhlehni zan La Liga inkhelah Real Sociedad chuan 2-1 in Villarreal an hneh a, Sevilla-in season tharah Champions League an khelh phah dawn thung. 

Sociedad hian season thara Europa League khelh ngei tumin Willian Jose leh Diego Llorente hmangin second half-ah goal hnih an khung a, hun tawp nan minute nga a la awm tiha Santi Cazorla goal khungin Villarreal a chhan zo lo. 

Villarreal-in hnehna an chan loh avangin match hmabak pahnih an la neihah hnehna chang pawh ni se Sevilla an um phak thei tawh lo a, 2017-18 season hnua a vawi khat nan Champions League khel turin Sevilla an tling ve leh ta.