Maria Sharapova a tla

Hrem a nih hnua tourna­ment a khelh hmasak berah Maria Sharapova chu final a lut zo lo. Stuttgart Open semifinal-ah Russian star hi Inrinni zan khan Kristina Mladenovic lakah 3-6, 7-5, 6-4 in a tlawm.

Kum 30-a upa Sharapova hi thla 15 chhung inkhel thei loa hrem a ni a, ranking nei loin a rawn kir. Thla leha khelh tur French Open khel turin Stuttgart Open-ah hian final a luh a ngai a ni.

Mahse, final a luh zawh tak loh avang hian vawi hnih a champion tawhna Roland Garros-a inlan tur chuan wildcard an pek a ngai dawn. Tun kara ranking chhuak tharah Sharapova hi world number 200 a la tling thei dawn lo tihna a ni.