Premier League aṭangin Sunderland an relegate

David Moyes-a enkawl Sun­derland-in Inrinni zanah Bourne­mouth chu si khat faia an hneh loh avangin Premier League aṭangin an relegate.

Stadium of Light-ah Joshua King-a'n minute 88-naah Cherries chakna goal a khung a, Black Cats-in kum 10 chhung a zawna Premier League an khelh hnuah Championship-ah an let leh a ṭul ta a ni.

Sunderland hian kum 2007-a Premier League khel tura an tlin hnuah ni 816 zet relegation zone-ah an awm a, vanneih season vawi tam an hman hnuah an vanduai hun a thleng ta a ni. Black Cats hian match 34 khelhah point 21 chauh an hmu a, 17-naa awm Hull City-in Southampton an draw vanga poin 34 an hmuh tak avangin an umpha thei tawh lo.