Quarterfinal-ah Sindhu a tla

Olympic silver medalist PV Sindhu chuan tun hma lama pahnihna a nih tawhna Badminton Asia Championships quar­terfinal a paltlang zo lo.

Zirtawpni zan khan Sindhu hi inkhel inhneh­tawk tawkah HE Bingjiao lakah 21-15, 14- 21, 22-24 in a vanduai. Seeded palina Sindhu hian game thumna an khelh laiin match point a hmu hman a, mah se a zawna point hnih a hloh leh avangin darkar khat leh minute 17 chhung an inkhelh hnuah a chak lo a ni.

Kumin Asia Cham­pion­ship-ah hian Indian shuttler ten beisei an phak lo, India Open champion hlim Sindhu a chak loh taka chuan India player zing­ah dam an awm tawh lo.