Taekwondo colour belt exam

Kar khat chhung awh Mizoram Amateur Taekwondo Association-in a buatsaih colour belt session exam chu Inrinni khan Electric Veng YMA Hall leh MATA Hall, Republic Vengthlangah zawh a ni.

MATA hian kum khat chhungin colour belt exam vawi thum a buatsaih ṭhin a, tun ṭum hi a vawi khatna a ni. Aizawl khaw chhung Taekwondo club 11 aṭangin zirlai 240 ten exam hi an nei.

Exam-ah hian phy­sical fitness, basic stance, basic kick, leg technique, taeguk, self defence, sparring leh running te an exam a. Colour belt hrang hrang Yellow, Green, Green-one, Blue, Blue-one, Red, Red-one pass turin exam hi an nei a ni.

MATA hian kum 2018-a Asian Games leh Youth Olympic Games lo awm turah Mizo player an tel ngei theihna turin hma a la chho mek a, player ṭha 20 thlang chhuakin a hrual ṭan. May thla hian heng player te hi enchhin nan Bhutan International Championship a khelh pui dawn a ni.