Semifinal-ah Mirza leh Pavic

Sania Mirza leh a ṭanpui Mate Pavic te chuan Wimbledon mixed doubles huangah semifinal an thleng. Seeded parukna Mirza te hian Gabriela Dabrowski leh John Peers te chu 6-4, 3-6, 7-5 in an hneh.

Indian tennis star Sania tan Wimbledon mixed doubles bikah chuan a thlen san ber ṭum a ni. 2011, 2013 leh 2015 khan quarterfinal chu a lut tawh, semifinal erawh tun ṭum hi a luh vawi khatna a ni thung.

Women's doubles lamah pawh Mirza hi a inlan tho a, mahse an match hmasa berah an chak lo. Tun season tawp ruala tennis chawlhsan a tum avangin, a match khelh apiang hi Mirza tan chuan a hnuhnung ber a ni nghal zel.