Serge Aurier unaupa an kaphlum

Tottenham Hotspur defender Serge Aurier unaupa Christopher Aurier chu night club pawnah kahhlum a ni a, Tottenham chuan thuchhuah siam nghalin, "He hun harsaah hian Serge kan hre reng a ni," an ti. 

Christopher Aurier hi tualchhung miten an hmuh rualin police an be nghal a, damdawi inah rang takin hruai ni mah se a nunna erawh chhan hman a ni ta lo a ni - amah kaptu hi a tlanchhe nghal. Kum 26 mi Christopher hi a unaupa ang thoa footballer niin a khelhna level erawh a sang hran lo a, tualchhung club Rodeo Toulouse tan khelin season hmasa khan French fifth division an khel.