Chanmari tan hmun a awm tawh lo

Mizoram Premier League thlenga thawm nei na tak, Mizoram football tana tha thawhhlawk pahnih Chanmari leh Chanmari West ten an khingpui ve ve hneh loin All Mizoram Inter Village Football inelna an mangṭha.

Chanmari West hi Bilkhawthlir North VC lakah 2-1 in an tlawm. West tan H. Lalrinmawia chuan minute lina lekah goal khung mah se goal dang an khung zui lo a, Bilkhawthlir hian C. Lalnunpuia leh Lalremsanga hmanga chhangletin, an chak daih.

CYMA Football 2019 champion tawh Chanmariin Mizoram huap champion nih an tum a, mahse, Rochhingpuia enkawl team ṭha hian Venghlui LC an ngam tlat lo.

Venghlui tana Varun Tamang goal hmahruai khung chu Chanmari hian Jerry Mawihmingthanga leh Reuben Vanlalhriatzuala hmangin chhanglet mah se Venghlui an beidawng duh bik lo a, K. Roluahpuia'n minute 72-naah si phurh a sut - penalty hmangin chak zawk zawn zui a, 4-3 in Venghlui an chak!

Republic Veng LC pawhin harsatna nei loin Champhai Zotlang an paltlang tura ngaih a ni a, mahse, hun pangngaiah team pahnihin goal an khung loh hnuah penalty hmangin Republic hi 4-2 in an chak hram.