Apuia hoin Vaivakawn

LBS Suzuki Inter Village Football Tournament khelh laiah vawiin hian Lammualah inkhel pali a awm dawn - a hmuhnawm vek dawn tia sawi ngam a ni. Dar 8:30-ah Vaivakawn leh Chhinga Veng ten bul an ṭan ang.

Chhinga Veng hi team chhia an ni ngai lo, an match hmasa zawkah pawh Pangzawl Jt. VC an sawp tawh. Mizo football legend S. Malsawmtluanga enkawl tan Vaivakawn hi fiahna an ni dawn, North East United forward Rochharzela chu player pawimawh a ni ang.

Vaivakawn hian Lengpui khaw lumah Electric Veng an hneh thei. India international Lalengmawia Ralte kawltu an ni a, Apuia bakah hian Hyderabad FC goalkeeper Lalbiakhlua Jongte an nei, coach tawnhriat nei ṭha Lalruatliana Sailo (Tawia) enkawl an ni bawk.

Chhinga Veng leh Vaivakawn an inkhelh zawh hnu hian Lammualah tho Bethlehem Vengthlang leh Sairang an inhmachhawn chhunzawm nghal bawk dawn a ni.