Thakthing hmaah Zokhawthar

Upa C. Keikhuma Memorial Tournament kha kan la hre rengin a rinawm. Champhai DFA hnuaia inelna lianah khan Zokhawthar hian final an lut a, nomawi inchuhna inkhelah chak lo mah se, chona lian zawk hmachhawn turin Aizawl an rawn pan.

Zokhawthar hian vawiin chawhnu dar 12:30 hian Lammualah Thakthing Veng an hmachhawn dawn. Thakthing hian Ramhlun Sports Complex an sawp thei a, an ṭha tak tak em, tih chu fiah a ni dawn.

Champhai DFA hnuaia inelna champion Melbuk pawh an

inlan dawn. Lalsangazuala Hmar enkawl hian Chiahpui 13-0 a an sawp hnuin vawiinah Champhai Kanan an hmachhawn dawn, team pahnih hi Upa C. Keikhuma Memorial Tournament last 16-ah khan an intawng tawh.

Melbuk hian 3-1 in an hneh tawh a nih kha, vawiinah chak nawn an tum ang. Champhai Kanan tan phuba lakna remchan a ni dawn thung - inkhel hmuhnawm en duh tan tlai dar 2:30 hian Lammual pan mai tur a ni ang.