US Open atan Thiem a chiang lo

Dominic Thiem chuan US Open khelh a duh a, chutihrualin inelna buatsaihtu lamin inkaihhruaina an siam chu an ti danglam a nih loh chuan player tan chetsual theihna kawng a inhawng zau hle a hriat thu a 

sawi bawk.

US Open hi August 31 aṭangin New York khawpuiah khelh a ni dawn, a hmuna entu an awm lo ang. Player-te US khawpuia an thlawh luh hma leh thlen hnuah an hriselna dinhmun endik vek a ni dawn. Tun hma angin team member ṭhahnem tak kal a theih dawn loh, inkhelhna court-ah phei chuan player pakhatin midang pakhat bak a hruai lut thei lo ang tih a ni hial - coach bak an awm thei dawn lo tihna a ni.

Austrian tlangval Thiem chuan, "Mi pathum emaw pali emaw tal an awm ve a ngai, coach chauh awm ta se harstana a thleng thei. Taksa hriselna dinhmun endiktu pawh an awm a ngai," a ti. World number 1 Novak Djokovic pawhin mi pakhat chauh hruai theih hi a lo sawisel tawh. Grand Slam hi inelna dang aiin a hautak bik, mipa phei chu best of five hmangin an inel ṭhin - hliam an awm fo a, inkhelh laklawh laia enkawl lailawk (medical time out) ngai pawh an awm ṭhin. Hun rei tak chawlh hnua inkhel leh chauh tur an ni a, tun hma aiin hliam theihna chance a sang zawka ngaih a ni.