A dinhmun ngaiah Nadal

Thawhṭanni zan khan ATP ranking thar tih chhuah a ni a, Barcelona Open nomawi chawi hlim Rafael Nadal chu a dinhmun ngaiah dingin pangana a ni.

Nikum lama cheṭha Andy Murray leh Novak Djokovic ten kuminah beisei phak rih lo mah se a sang pahnih an la ni. ATP tounament hnuhnung ber Barcelona Open-ah khan Murray hi semifinal-ah a tla a, Serbian thiampuipa hi a match hmasa berah a chak lo nghal thung.

A sang panga zingah Swiss chuan player pa­hnih an nei. Grand Slam vawi thum champion tawh Stan Wawrinka chu pathumna niin a hnuai chiahah Roger Federer a awm. Federer hi world number 18 ni chunga season bul ṭantu kha niin hma a sawn nasa hle.

ATP rankings (Top 5)
# Player Ram Points
1 Andy Murray GBR 11,870
2 Novak Djokovic SRB 8,085
3 Stan Wawrinka SUI 5,695
4 Roger Federer SUI 5,125
5 Rafael Nadal ESP 4,735