MSL aṭangin tla an awm dawn
Mizoram Super League relegation playoff chu vawiin tlai dar 5:00 hian Zarkawt Serpents leh Chanmari Hollow ten Hawla Indoor Stadium-ah an khel ang. Best of three a khelh tur niin a chak lo zawk hi MSL aṭangin an tla ang.
Relegation playoff-a chak zawk pawh hi MSL4 khel turin an la tling chiang lo. MBBA Division I champion Republic VR4 chu MSL4 khel turin an tling tawh a, relegation playoff-a chak zawk hian Division I-a pahnihna Dawrpui VR4 nen MSL khelh inchuhin playoff an khel nawn leh ang.
Zarkawt Serpents hian league match hnuhnung berah kaithar Hollow hi 74-72 in an hneh a, All Star Game-a 3 points shootout-ah Zarkawt thiampuipa Lalsangkima pakhatna a nih bawk avangin an ṭhenawm Chanmari club hneh turin an inringtawk khawp ang.
Relegation Playoff - 5:00 PM
Zarkawt Serpents Vs Chanmari Hollow
Game 1 May 4, Ningani
Game 2 May 9, Thawhlehni
Game 3 May 11, Ningani