Aizawl DFA Season Ending Football Tournament

Aizawl DFA hnuaia II division leh III division semifinal chu khelh zawh a ni ta a, Zirtawpni khian Ramhlun Sports Complex-ah division pa­hnih final khelh a ni ang.

Thawhlehni khan II division semifinal khelh zawh a lo ni tawh a, FC Bethlehem hnehtu SL Sailo EFC leh Youngstar United hnehtu FC Veng­hnuai te chuan Zirtawpni chawhnu dar 2:30-ah champion nomawi an inchuh dawn a ni.

Nimin khan III division semifinal pawh khelh zawh niin inkhel hmasa zawkah Durtlang FC chuan 3-2 in Republic Vengthlang an hneh a, Durtlang tan Lalliantluanga chuan hattrick a siam. Nimin semifinal hnuhnung zawkah Khatla South FC chuan Lalmuankima goal khat khung hmangin Raphael FC chu 1-0 in an hneh bawk a, III division final pawh hi Zirtawpni chhun dar 12:30-ah khelh a ni ang.

Nimin Inkhel Results
Ramhlun Sports Complex III Div SemiFinal
Durtlang FC 3 - 2 Republic Vengthlang FC
DUR: Lalliantluanga 28', 46', 87'
REP: Ramfangzauva 70'; Lalremsanga 90'
Khatla South FC 1 - 0 (a.e.t) Raphael FC
KHA: Lalmuankima 116'
May 05, Zirtawpni
Final Fixtures
III Div
12:30 PM Durtlang FC Vs Khatla FC
II Div
02:30 PM SL Sailo EFC Vs FC Venghnuai