European Athletics sawiseltu Powell

European Athletic Asso­ciation chuan kum 2005 hma lama world record lo awm tawhte chu ennawn a, siamṭhat bakah record ṭhenkhat chu hnawl a nih theih nan hma a la mek; Long jumper Mike Powell chuan he hmalakna hi na takin a sawisel.

Ruahman dan chuan kum 2005 hma lama Athletics huanga world record lo awm tawhte chu ennawn tur a ni a, infiammite hian dan an zawm famkim ngei em tih leh damdawi hman phal loh hman chungchangah an fihlim em tih chu endik tur langsar a ni ang. EAA rua­hmanna hi a taka chantir tur erawh chuan Association of Athle­tics Federations (IAAF) lamin an pawmpui phawt a ngai.

Kum 2005 hnulam aṭang chauhin infimammite thisen leh zun hi endik a, dahṭhat a ni. Hei vang hian hemi hma lama sulhnu ṭha lo hnutchhiah tawh athlete tam tak chuan he ruahmanna thar hi an sawisel nasa hle.

Mike Powell chuan, "In zah lohna a ni a, mi tam tak sulhnu ṭha thaibo tumna mai a ni. Hmai in ben sak ai pawhin a na zawk," tiin a sawi.

American infiammi Powell hian kum 1991 August thla khan long jump inelnaah 8.95 metres zeta thui zuangin world record a lo siam tawh a, tun thlengin khum thei an la awm lo.