German football season ṭan nan DFB Pokal

Germany-a football thuneitu sang ber German Football Association (DFB) chuan season thara football inelna ṭan nan DFB Pokal an hmang dawn.

German Cup hi September 11-14 ah khelh ṭan a ni ang a, champion lai chu Bayern Munich niin vawi 20 an champion tawh. DFB hnuaia inelna Bundesliga, Bundesliga 2 leh 3. Liga te chuan September 18-21 ah inelna an ṭan ang. Kumina neih tur Euro 2020 chu nakkum 11 June-a khelh ṭan tur a ni a, hemi a nih avang hian German football season hi May 31, 2021-a khar tum a ni.