Champhai Kanan-in phuba an la

Upa C. Keikhuma Memorial Tournament boruak lian tak kha kan la hre ṭheuh ang, Champhai DFA hnuaia inelna lianah khan Melbuk an champion, an kalkawngah Champhai Kanan hi 3-1 in an hneh.

Vawiin khan team pahnih hi an intawng nawn, an inkhelh hmasaka chak lo Kanan hian 2-1 in hnehna an chang. PC Lalengmawia leh Lalramsanga te goal hmangin hma an hruai a, hun tawp dawnah Lalsangzuala Hmar enkawl Melbuk lamin Lalnunmawia hmangin goal khat an nei ve hram.

Nimin Lammual inkhelah goal rang ber kan hmu. Thakthing tan S. Jelibon-a'n second 24-na lekah goal a khung, tun inelna neih china goal lut rang ber niin, ani bakah Lawmsangzuala goal hmangin Zokhawthar 2-1 in an hneh.

LBS Suzuki Inter Village Tournament-ah hian minute khat tlin hmain goal vawi hnih a lut tawh. Chanmari tan Lalrinliana Hnamte chuan inkhel ṭan aṭanga second 31-na lekah a lo khung tawh a, record hmasa hi S. Jelibon hian a rawn khum.