Sindhu, Praneeth leh Kashyap te an chak

PV Sindhu chuan fiahna hautak a paltlang. Olympic medal vawi hnih dawng tawh hian He Bing Jiao hnehin Malaysia Masters-ah second round a in vaw kai.

Nimin inkhel hmuh-nawm takah, seeded pasarihna Sindhu hian Bing Jiao hi 21-13, 17-21, 21-15 in a hneh a, hnehna chang tur hian darkar khat zet a mamawh, awlsam takin a tlang mai bik lo.

Men's singles lamah B Sai Praneeth leh Parupalli Kashyap te pawh an chak, anni pahnih hian second round lut turin harsatna lian tham an tawk lo. Kashyap hian Tommy Sugiarto 16-21, 21-16, 21-16 in a hneh. Praneeth-a'n minute 26 chhung lekin Kevin Cordon chu 21-8, 21-9 in a hneh bawk.

Indian player dang HS Prannoy leh Saina Nehwal te bakah, women's doubles pair N Sikki Reddy leh Ashwini Ponnappa te pawh an inlan a, result erawh kan hre hman lo.