India leh China inhnehtawk

FIH Women's Hockey World Cup khelh laiah India leh China te 1-1 in an inhnehtawk. Lalremsiami Hmar telna India hian zanin dar 11:00 hian New Zealand an hmachhawn leh dawn, knockout round lut tur chuan chak an mamawh.

Wagener Stadium, Amstelveen-a inkhelah China lamin goal an nei hmasa, minute 26-naah Zheng Jiali hmangin goal an khung. India tan Vandana Katariya chuan minute 45-naah a sut - Uttar Pradesh forward hian England lakah goal a lo khung tawh bawk.

Pool B inkhel dangah New Zealand chuan England 3-1 in an hneh thung, anni hi knockout round atan an tling chiang tawh. New Zealand hnung zui turin India tan chetsual a thiang lo, chak ngei tumin zaninah an inlan ang.