Forest keeper Samba a chhuak

Premier League-a Nottingham Forest an kir theih nana thawhhlawk tak, goalkeeper Brice Samba chuan Ligue 1 club Lens a zawm a, kum nga chhung khel turin contract a ziak.

Kum 28 mi keeper hian Championship playoff semifinal-a Sheffield United nen an inkhelh ṭum khan, penalty shootout-ah vawi thum ngawt penalty a dang a, Forest tan a thawhhlawk hle.

Congolese keeper hian kum 2019 khan French club Caen aṭangin Forest hi a zawm a, season thum a khelh chhungin match 125 a inlansak.

Championship 2019-20 season-a team of the year-a lang phak Samba chuan, "Forest-a ka awm chhunga min puitu zawng zawng, fans, ka khelhpui, coach-te, staff leh club-a mi zawng zawngte in chungah ka lawm e.

"Kan hun tawn hlimawm tak hi ka hre reng ang a, khatiang ang hun duhawm kha ka tawng ngai lo. Forest hi ka ṭan reng tawh ang," a ti.

Samba hian Forest-ah hian kar khatah £7,500 vel a hlawh nia sawi a ni a, Premier League kai thar club hian a leta a hlawh tipung chungin contract thar zawrh mah se France-a kir hi a duh nia sawi a ni.

Forest hian Manchester United keeper Dean Henderson chu season khat chhung an hnena khel turin loan-in an hawh tawh a, Samba chhuak mahse an lungphang lo ang.