Penalty shootout pet dan thar

Europe a football thuneitu sang UEFA chuan Penalty shootout pet dan kalhmang thlak danglam turin ruahmanna a siam. He ruahmanna hi European Under-17 Championship, Croatia-a khelh mekah hman chhin tura tih a ni.

Penalty shootout pet dan hman laiah hi chuan coin toss a chak zawkin pet emaw goal ven hmasak an thlang a, team A lamin an pet hmasak chuan team B in an pet zui a, player pangin a indawta an pet hnuah chak zawk an awm loh chuan sudden death-in an pet chhunzawm ṭhin.

Dan hmanlai hi sawiselna leh a lai tawk loa sawi a nih avangin zirchianna neih a ni a, an hmuh chhuah chu penalty pet hmasa team 60% zetin hnehna an chan avangin an dinhmun a ṭha zawka ngaih a ni.

UEFA chuan, "Penalty pet hmasa bertu in a khung nghal chuan a dawta pettu tan boruak a rit duh hle a, a khung ve lo a nih chuan team chak lohna bul a nih theih avangin a harsa ṭhin," tiin an sawi. Dan thar hi women's European Under-17 Championship neih mekah pawh hman a ni.

Ruahmanna thar 'ABBA' ang chuan A team lamin an pet hmasa ang a, chumi hnuah B team laimin vawi hnih an pet zui ang. A team hian vawi hnih pet lehin chutiang zelin a pet hmasa ber tih loh chuan team khata player pahnihin an zawnin an pet zel dawn tihna a ni - Tennis inelna huanga tie-break an khelh dan nen a kalphung a inang dawn tihna a ni.