Last 16 lut team 11 a hriat tawh

8th July, 2022

Team 204 zet an tel a, ni tin an inthlifim chho zel - tunah chuan a thiam zual chiah an hriat ta. Nimin tlai thleng khan last 16 lut team 10 a hriat tawh a, nizana Khawzawl Vengthar VC leh Reiek VC inkhela chak zawkin an lut bawk ang.

Salem Veng LC, Farkawn VC, Mamit Jt VC, Sialhawk VC, Hnahthial Jt VC, Seling VC, Lengpui VC, Republic Veng LC, Lungdai VC, Vaivakawn LC, Champhai Kanan VC ten nimin khan an khingpui ṭheuh hnehin last 16 hi an lut a ni.

Last 16 chin hi Inrinni aṭangin khelh chhunzawm a ni dawn. Lammual leh RG Stadium, Mualpuiah inelna hi neih a ni ang. Lammual inkhel hi Zonet TV leh YouTube lamah live a tihchhuah ṭhin a ni bawk.