Quarterfinal-ah Sindhu a lut

PV Sindhu chuan Malaysia Masters-ah nimin khan quarterfinal a inhlangkai. India nula chhuanvawr hian Chinese player Zhang Yi Man chu straight set hmanga hnehin last 16 a paltlang a ni.

Olympic medal vawi hnih la tawh, tun ṭuma seeded pasarihna ni bawk Sindhu hian world number 32 lakah harsatna a tawk vak lo - minute 28 chhung lekin 21-12, 21-10 in a hneh.

World number 1 Sindhu tan quarterfinal a awlsam dawn lo, Chinese Taipei player ṭha Tai Tzu Ying nen an intum dawn. Player pahnih an intawn tawhnaah Sindhu hi vawi 16 a tlawm tawh a, ṭum nga chiah hnehna a la chang ve a ni.

Nimin khan mipa singles lam khelh a ni bawk. B Sai Praneeth chu Li She Feng nen minute 42 an inkhelh hnuin 14-21, 17-21 in a chak lo. Indian player dang HS Prannoy leh Parupalli Kashyap te pawh an inlan a, result erawh kan hre hman lo.