Semifinal-ah Simona Halep

Wimbledon hmeichhe lamah champion tura rinkai an tla hnem tawh a, tunah chuan player inlan zawng zawng aṭang pawhin mi pali chiah an bang ta, an zinga hming langsar ber chu Simona Halep a ni.

Romanian nula Halep hi tun hma chuan world number 1 pawh a lo ni tawh ṭhin, mahse hliam vangin tun hnaiah a inkhel tam tawk lo. Hripui leng vangin Wimbledon vawi khat khelh a ni lo bawk a, ṭum khat chu hliam vangin a inlan thei lo bawk.

Kuminah erawh nuam ti takin a inkhel leh thei tawh. Nilaini zan quarterfinal inkhelah Halep hian Amanda Anisimova chu 6-2, 6-4 in a hneh a, chak tur hian darkar khat leh minute thum bak hun a mamawh lo hial.

Grand Slam vawi hnih champion tawh Halep hian nizan khan semifinal-ah Elena Rybakina a hmachhawn zui leh a, result kan hre hman lo. Semifinal lehlamah seeded pathumna Ons Jabeur leh Tatjana Maria te an inhmachhawn ve bawk.