Midang kan hnaih ve deuh ta - Hamilton

Formula 1 season kal laiah Red Bull leh Ferrari ten ro an rel a, team dang tan hmun awl an siamsak meuh lo. Mercedes driver Lewis Hamilton chuan tun hnaiah hma an sawn thu a sawi chhuak.

World champion vawi sarih ni tawh Hamilton hi kuminah a la chak miah lo, intlansiak hnuhnung ber British Grand Prix-ah khan pathumna dinhmun a luah a, champion beiseina sang tawh lo mah se kawng erawh a la inhawng.

British tlangval Hamilton chuan, "A nihna tak sawi chuan team dang pahnih hi kan phak lo, chu chu intlansiakna hmunah pawh a lang. Team ṭha an ni a, driver an neih ṭhat bawk avangin kan tan chuan elpui hautak tak an ni.

"Chutih rualin keini lam pawhin hma kan sawn ve zel, kan ṭhat tawk lohna lai pawh kan thawmṭha thawkhat tawh. Kan hmaa awmte nen kan inkar kan sawrzim tawh a, tunah chuan hnaitêah kan awm tawh," tiin a sawi.

July 10, Pathianni hian Red Bull Ring-ah Austrian Grand Prix an tlan dawn.