AIFF Academy-in final an lut

Mizo player pariat zet awmna AIFF Academy chuan I League Under 18 final lut turin nimin khan United Sports Club chu penalty shootout-ah 13-12 in an hneh. Kolkata-a inelna neihah hian East Bengal chuan Salgaocar 3-2 a hnehin final an lut ve bawk.

I League U18 final hi May 7, Pathianni khian Barasat Stadium-ah khelh a ni ang.

AIFF Academy-ah hian Mi­zo paruk Edmund Lalrindika, Laleng­zama Vangchhia, Zonun­mawia, Lalliansanga Renthlei, B. Lalnuntluanga leh Lalengmawia ten inkhel bul an ṭan vek a, bench-ah Joseph Lalsanglura leh B. Rohmingthanga te an awm bawk. Champion lai AIFF Academy hian hun pangngaiah goal an khung thei lo a, penalty shootout-ah United Sports Club hi 13-12 in an hneh.

Semifinal hnuhnung zawkah East Bengal tan Bidyashagar Singh-a'n goal (14') hmahruai a khung hnuah Telem Suranjit Singh-a'n goal hnih (43', 61') a khung a, Salgaocar tana Andrus John (80') leh Liston Colaco (86') te goal khungin inkhel result a tidanglam pha lo. Red and Gold tan hian tun inelnaa goal riat khung tawh Mizo rawlthar Lalchhanhima chu a khel tluan a, bench-ah PC Rohlupuia a ṭhu bawk.