K. Kawla Football

Assam Riffles leh MFA ṭangkawpin an buatsaih CAPF K. Kawla Under 19 Talent Hunt Football Tournament 2017 chu Lammualah khelh chhunzawm zel a ni.

Mipa inelna Group A-ah Lungleiin vawiina Serchhip laka point khat an hmuh theih chuan final an lut ang a, Serchhip tan final lu turin chak a ngai. Group B-ah final lut turin Aizawl hnehtu Champhai dinhmun a ṭha bawk.

Hmeichhe inelnaah Group A aṭangin Aizawl leh Mamit ten point ruk ve ve an hmu a, vawiinah final lut tur an zawng dawn a, goal difference-a ṭha zawk chu Aizawl an ni. Group B-ah Kolasib-in point ruk an hmu tawh a, final lut turin vawiin hian Serchhip an hneh a ṭul ang.

Vawiin Inkhel Tur
Mipa
09:00 AM Mamit Vs Lawngtlai
11:00 AM Serchhip Vs Lunglei
Hmeichhia
01:00 PM Serchhip Vs Kolasib
03:00 PM Mamit Vs Aizawl
Nimin Inkhel Results
Mipa
Serchhip 3 - 2 Kolasib
SER : K. Vanlalhriatzuala 54'; Jerry Laldikkima 58'; John Lalmuanpuia 73'
KOL : David Lalhlansanga 22'; 26'
Aizawl 1 - 2 Champhai
AIZ : J. Lalnuntluanga 27'
CHA : Vanlalhruaia 28'; Vanlallawmtluanga 45+1'
Hmeichhia
Mamit 6 - 0 Siaha
MAM : Lalṭhazovi 1'; Ramnghahmawii 10', 24', 29'; Esther Vanlal­hmangaih­kimi 42' (OG); Baby Lalawmpuii 61'
Champhai 1 - 1 Lunglei
CHA : Lalhlupuii 27'
LUN : Lalduhthlani Pachuau 46'