Delhi chhandamtu Rishabh

Gujarat Lions-in run 208 ngawt vaw chhuak mah se Delhi Daredevils tan Rishabh Pant chuan run 97 siamin a team a chhan­him a, Ningani zan IPL inkhelh hmuhnawm takah wicket sarihin Lions an hneh.

Delhi khawpuia inkhelah Gujarat Lions an bat hmasa zawk a, over 20-ah run 208 siamin wicket sarih an hloh. Lions tan captain Suresh Raina chuan run 77 ngawt siamin Dinesh Karthik chuan run 65 a siam bawk a, Gujarat hi hmun him­ah an hruai thlengah a ngaih theih.

Daredevils bat hun a thleng a, opener Sanju Samson chuan run 61 ngawt siamin bul a ṭan ṭha nghal hle. Sanju dinpui Karun Nair chu run 12 chiah a siam tihin out nghal mah se Rishabh Pant a lo pen chhuak a, ball 43 lek a hmachhawnah run 97 a vaw chhuak.

Delhi-in an target umpha turin over 17.3 bak an mamawh lo a, wicket thum chiah hlohin hnehna an chang chiang hle.

Zanin Inkhel Tur
Sunrisers Hyderabad 04:00 PM Rising Pune Supergiant
Delhi Daredevils 08:00 PM Mumbai Indians
May 7, Pathianni Zan
Royal Challengers Bangalore 04:00 PM Kolkata Knight Riders
Kings XI Punjab 08:00 PM Gujarat Lions