Zaninah hmeichhe final

Wimledon hmeichhe final chu zanin dar 6:30 hian khelh a ni dawn. Grand Slam final la khel ngai lo pahnih Ons Jabeur leh Elena Rybakina ten nomawi an inchuh dawn, an tan chuan dai ngai loh ram ve ve a ni.

Tunisian nula, seeded pathumna ni bawk Jabeur hian semifinal-ah Tatjana Maria chu 6-2, 3-6, 6-1 in a hneh a, Arab tennis player zingah Grand Slam singles final lut thei hmasa ber a ni - Africa khawmualpui aiawhtu tia sawi theih a ni hial.

Semifinal inkhel dangah Rybakina chuan Simona Halep chu 6-3, 6-3 in a lo hneh ve thung a, Kazakhstan tennis player zingah ani pawh hi major tournament-a final lut thei hmasa ber a ni bawk.

Kum 27 mi Jabeur chuan, "Hun rei tak chhun ka lo thawkrim ve tawh a, theihtawpin ka bei bawk. Chumi rah chhuah chu ka hmu ve mek, a hmawr bawkna pawh duhthusam a nih ngei ka beisei," tiin a sawi.