Sindhu zinkawng a tawp

Badminton inelna - Malaysia Masters 2022 khelh laiah PV Sindhu chuan a tum ram a thleng zo lo. Nimin quarterfinal inkhelah Sindhu hi Tai Tzu Ying hneh loin a zinkawng a tawp.

Axiata Arena, Kuala Lumpur-a inkhelah Sindhu hi 13-21, 21-12, 12-21 in a chak lo. Indian nula hian world number 2 Tai Tzu Ying lakah hian result a nei ṭha vak lo, vawi 17 a ngam lohna a ni a, ṭum nga chu a hneh ve tawh thung.

Tun hnaiah a zawnin Sindhu hian vawi sarih ngawt a ngam lo, tournament dangah pawh inhmachhawn leh zel thei an la ni dawn. Olympic medal vawi hnih dawng tawh hian a hneh hleih theih loh laka chak dan a zir a ngai.

Nimin khan mipa singles lamah India tlangval HS Prannoy chuan Japanese player Kanta Tsuneyama a hmachhawn a, result erawh kan hre hman lo.