Brentford defender thar Hickey

Premier League club Brentford chuan Aaron Hickey an lalut. Bologna defender manah hian pound maktaduai 17 lai an seng, a man hi vawi khata pek tlak nghal vek erawh a ni lo.

Kum 20 mi Scotland international hian Bees tan kum li daih contract a ziak. Season hmasa khan Serie A club tan match 36 a khel a, goal nga khungin assist vawi khat a nei bawk.

Brentford boss Thomas Frank chuan, "Aaron kan la thei hi ka lawm. Kum 20 mi chauh la ni mah se a puitling tawh a, thil hrang hrang a tawng hnem tawh hle," a ti. Left back an neih sa Rico Henry nen khelhna hmun an inchuh ang.