Forest-in Bayern defender lalut

Bayern Munich defender Omar Richards chuan Nottingham Forest a zawm. Premier League khel tur Forest tan England Under-21 defender lak hi chanchin ṭha a ni ang, aman atan pound maktaduai 10 an hmang.

Kum 24 mi Richards hian 2012 khan Reading aṭangin Bayern Munich hi a zawm. Season hmasa khan Bavarians tan match 17 a khel a, a club hi Bundesliga title a lakpui, rinrawl ni lo mah se tawnhriat a neih ṭhat phah hle.

Fulham youth team tan pawha khel tawh Richards chuan, "England rama ka kir leh tur hi ka lawm, a bik takin Nottingham Forest tana khelh hlan ka nghakhlel," tiin a sawi.

Tun nipui bazarah Forest hian player panga an lakluhna a ni. Richards bakah hian Dean Henderson, Moussa Niakhate, Giuilian Biancone leh Taiwo Awoniyi te an lalut tawh bawk.