Saints-ah Aribo a kal

Southampton chuan Rangers midfielder Joe Aribo an lalut, season li daih contract ziahpuiin a man atan pound maktaduai ruk an hmang a, pound maktaduai 10 thlenga sang chho thei tur a ni thung.

Kum 25 mi Aribo hian Rangers tan season thum chhung hun a hmang tawh. 2021 khan Scottish Premiership nomawi a chawipui a, season hmasa Europa League final khan goal khung mah se a chak lo zawk an ni.

Nigeria international Aribo chuan, "Premier League hi khawvela league ṭha ber a ni a, chumi club zinga sulhnu nei ṭha leh hmabak eng tak Crystal Palace ka zawm thei hi ka lawm. Ka tan chuan EPL khelh hi duhthusam thleng dik a ni," tiin a sawi.

Southampton manager Ralph Hasen-huttl chuan a player thar lakah beisei a neih san thu a sawi ve bawk. Mateusz Lis, Armel Bella-Kotchap, Romeo Lavia leh Gavin Bazunu te an neih thar bawk avangin season thar an nghakhlel ang.