Bayern-in Darmstadt hnawt chhuak

German champion Bayern Munich chuan Darmstadt chu defender Juan Bernat goal khat hmangin sikhat faiin an hneh. League match hnih khelh hma­bak nei chungin Darmstadt hi Bundesliga aṭangin an tla dawn tih a chiang tawh.

Inrinni zan inkhel dangah Borussia Dortmund chuan Cham­pions League khelhna hmun an chuhpui Hoffenheim 2-1 in an hneh a, table-ah pathumna a ni. Hoffenheim hi palina an ni thung a, pangana Hertha nen an inkarah point hnih chiah a awm tak avangin chetsual a thiang tawh lo.