K. Kawla Football final lut tur a hriat dawn

Assam Rifles leh MFA ṭang­kawpin an buatsaih CAPF K. Kawla Under 19 Talent Hunt Foot­ball Tournament 2017 group stage chu vawiin hian Lammualah khelh zawh a ni dawn.

Mipa inelnaah Lunglei chuan Group A-a an awm pui Serchhip, Siaha leh Kolasib te hneh vekin final an lut tawh a, an khingpui tur a la hriat loh. Group B-ah Aizawl chu point ruk hmuin hmahruaitu ni mek mah se vawiina point li hmu tawh Champhaiin Mamit an hneh chuan Aizawl champion beiseina a tawp ang.

Hmeichhe inelnaah Aizawl khingpha an awm lo a, Group A-ah Aizawl hian Mamit (7-0), Lawngtlai (7-0) leh Siaha (11-0) te sawp vekin final an lut. Group B-ah Kolasib-in an khingpui Serchhip, Lunglei leh Champhai te an hneh vek bawk. Kolasib hian an tlarhnung neih ṭhat an chhawr a, an khingpuite hi goal khat vekin an hneh.

Vawiin Inkhel Tur
Mipa
09:00 AM Mamit Vs Champhai
Hmeichhia
01:30 PM Serchhip Vs Lunglei
May 6, Inrinni - Results
MIPA
Serchhip 0 - 2 Lunglei
LUN : C Lalduhawma 25'; Lalawmpuia 79'(OG)
Mamit 4 - 1 Lawngtlai
MAM : Samson VL Hriatpuia 12', 53', 83'; Lalnun­sanga 37'
LAW : Rony 35'
HMEICHHIA
Mamit 0 - 7 Aizawl
AIZ : K. Lalruatfeli 11', 36', 44'; Vanlalhriattiri Bawihtlung 17', 22', 25', 39'
Serchhip 0 - 1 Kolasib
KOL : Lalthansangi 26'