Serpents tan chak a pawimawh

Vawiin tlai dar 5:00 hian R. Dengṭhuam­a In­door Stadium, Mual­puiah Mizoram Super League season thumna relegation playoff Game 2 khelh a ni dawn a, Chanmari Hollow leh Zarkawt Ser­pents an inhmachhawn ang.

Playoff Game 1-ah Hollow hian 85-81 in hnehna an chang a, Mizo­rama basketball inelna sang bera inlan chhunzawm turin beisei an nei. Hetihlai hian season thum chhung MSL khel tawh Serpents chak lohna hi point li chiah a nih avngin an beisei a la bo bik lo.

Team pahnih te hi league round hnuhnung berah khan an lo intawng tawh bawk, he mi ṭum hian Serpents 74-72 in an chak thung - an in­thlauhna point hnih chiah a ni, an intawn hnuhnung pahnihah hian ṭha fal zawk an awm ngai lo a, zanin tlaiah pawh hian chak zawk tur sawi lawk a harsa.