Kolkata tan Sunil Narine

Pathianni zan khan Kolkata Knight Riders batsman Sunil Narine chuan ball 15-a run 50 siamin IPL chanchina half century rang ber a vaw chhuak a, wicket rukin Royal Challengers Bangalore lakah a team chu hnehna a chanpui.

Bangalore khawpuia inkhelah RCB-in over 20-ah run 158 siamin wicket ruk an hloh a, run 75 siama a tawp thleng dam Travis Head a che ṭha hle. Mahse, KKR tan Narine (54) leh Chris Lynn (50)-te an rawn chet ṭhat nghal avangin wicket li chiah hlohin over 15.1-ah an target an khum.

Pathianni zan inkhel dangah Kings XI Punjab-in over 20-ah run 189 siamin wicket thum chiah an hloh a, run 104 siamtu Hashim Amla a chet ṭhat bawk avangin chak ngei tura ngaih an ni. Mahse, Lions-in an theihna pholangin over 19.4-ah an target an khum a, wicket li chiah hlohin hnehna an chang - run 74 siamtu Dwayne Smith chu Lions tana batsman langsar ber a ni.