League One khel tur Blackburn

Premier League champion hlui Blackburn Rovers-in hma an sawn hleithei lo. Pathianni tlai Championship match-ah Brentford chu 3-1 in hneh mah se an chung chiaha awm Nottingham Forest-in 3-0 a Ipswich an hneh avangin goal difference-ah an hniam zawk a, League One khel turin an tla thla.

Pathianni tlai Cham­pionship match khelh a nih hma hian Rovers leh Forest hian point 48 ve ve an nei a, Birmingham City-in point 50 an nei thung - club pathum hi tla thei vek an ni. Club pa­thumin hnehna an chang vek a, a tawpah goal difference nei chhe ber Rovers an tla - kum 37 hnua a vawi khat nan third division-ah an inlan dawn.