Scotland-ah Rodgers a mawi

Celtic boss Bren­dan Rodgers-a'n Scotland-ah ro a rel chhunzawm zel a, PFA Scotland manager of the year-ah thlan a ni. Liverpool boss hlui hian League Cup leh Scottish Pre­miership-ah Celtic a champion pui tawh a, May 27-ah Scottish Cup final an khel dawn bawk.

Scott Sinclair chu player of the year-ah thlan a ni a, Celtic winger hian Scotland-a a season hmasa berah goal 25 khungin he chawimawina dawng tur hian a khelhpui Moussa Dembele leh Stuart Armstrong bakah Aberdeen winger Jonny Hayes a khum.

Celtic rawlthar duh­awm Kieran Tierney chuan young player of the year chawimawina a dawng a, St. Johnstone laka a goal ropui avangin Dembele chuan goal of the season lawmman a dawng bawk.