Ronaldo kan zuar lo - Ten Hag

Manchester United manager Erik ten Hag chuan Cristiano Ronaldo chu a ruahmannaah a tel tih a sawi a, Portugal forward chu zawrh lai a ni lo tih a sawi chiang bawk.

Kum 37 mi Ronaldo hian Old Trafford chhuahsan a duh a, chhuah a dil hial. Premier League season thar inbuatsaihna Thailand lama an neihah pawh a zin ve lo, hma hun chiang loin a awm mek a ni.

Ajax manager hlui Ten Hag chuan, "Tun ṭuma a zin ve loh chhan chu mimal thil vang a ni. Tun season atan Cristiano Ronaldo hi kan ruahmannaah a tel, zawrh lai a ni lo. Ani nena hlawhtlinna chan hi ka duh," tiin a sawi.

Portugal forward zin ve lo hian sawi zui a hlawh, an zin hmain Carrington-a training an neih ṭum pawhin a inlan ve lo. Season thara Europa League khelh ai chuan Champions League khelhna tur club pan a duh niin a lang.

Captain tur chungchang sawi zuiin Ten Hag chuan, "Harry Maguire hi kum khat aia rei Man United captain a ni tawh a, thil tam tak a paltlangin a hlawhtling tawh, chuvangin captain a ni chhunzawm ang," tiin a sawi bawk.