England-in India an hneh

Twenty20 series-a an match thumnaah England chuan run 17-in India an hneh a, mahse, match hmasa pahnihah an lo tlawm tawh avangin Men in Blue hian series chu 2-1 in an la ta tho.

India tan Suryakumar Yadav a che ropui takzet a, ball 55 lek a hmachhawnah run 117 a siam - mahse, Shreyas Iyer (28 runs) tih loh Indian batsman zingah run 12 vaw kai an awm lo a, kum 31 mi batsman hian India a chakpui zo ta chuang lo.

Ṭhumvawra vannei England-in bat hmasak an thlang a, over 20-ah run 215 zet siamin wicket sarih chiah an hloh - Dawid Malan (77) leh Liam Livingstone (42/not out) te England tan an che ṭha a, Indian bowler-ten match hmasa lam an phak lo.

Trent Bridge, Nottingham-ah India-in target umphak ngei tum mah se, Suryakumar tih loh chu chhuan thama che thei an awm lo - over 20-ah run 198 an tlin hram a, wicket kua hloh chungin, run 17-in an tlawm. England tan Reece Topley chuan run 22 lek pein wicket thum a la.

England leh India hian vawiin tlai dar 5:30-ah ODI series match thum an khelh tura an match hmasa ber an khel zui leh ang.

Twenty20 Series (Match thum)

July 7, Ningani Zan
India 198/8 (20) bt England 148 (19.3)
*Run 50-in India an chak
*Player of the match: Hardik Pandya (Ind)

July 9, Inrinni Zan
India 170/8 (20) bt England England
121 (17 overs)
*Run 49-in India an chak
*Player of the match: Bhuvneshwar Kumar (Ind)

July 10, Pathianni Zan
England 215/7 (20) bt India 198/9 (20)
*Run 17-in England an chak
*Player of the match: Reece Topley (Eng)

ODI Series (Match thum)

July 12, Thawhlehni Zan
England 5:30 PM India

July 14, Ningani Zan
England 5:30 PM India

July 17, Pathianni Zan
England 3:30 PM India