Jazz hnehtu Warriors an tlang
Golden State Warriors chuan Utah Jazz 121-95 a hnehin NBA Western Conference Finals an lut. Warriors hian semifinal best of seven series khelh tur game hmasa paliah hnehna an chang fai vek.
Nimin zing, Vivint Smart Home Arena-a inkhelah Golden State tan hian Stephen Curry chuan point 30 a score. Draymond Green chuan triple double neiin point 17 a score bakah rebound vawi 10 lain assists vawi 11 a nei bawk. Warriors tan hian Klay Thompson (21 points) leh Kevin Durant (18) te an langsar bawk a ni.
Guard Curry chuan, "Game 7 thleng khelh ngai loa hnehna kan chang thei hi a lawmawm. Tunah chuan conference finals kan thlir phawt ang a, chumi hnuah NBA Finals a ni leh ang," tiin a sawi. Golden State hi nikum khan Western Conference champion an ni a, NBA Final-ah erawh dinhmun ṭha taka an awm hnuin Cleveland Cavaliers an inlehthaltir a ni.
Tuna playoff an khelh dan kalphung hi 1983-84 aṭanga hman ṭan a ni a, Golden State hian tun hnaiah a zawnin season thum chhung chu conference finals an lut ta a ni. Warriors hi San Antonio Spurs leh Houston Rockets te inkhela chak zawk nen an inhmachhawn leh ang.
Thlirna Tawi
Utah Jazz 94 - 106 Golden State Warriors
Utah Jazz 104 - 115 Golden State Warriors
Golden State Warriors 102 - 91 Utah Jazz
Golden State Warriors 121 - 95 Utah Jazz
(Golden State hian series 4-0 in an la)