K. Kawla Football Aizawl an champion chiang

Assam Riffles leh MFA ṭangkawpin an buat­­saih CAPF K. Kawla Under 19 Talent Hunt Football Tournament 2017 hmeichhe inelnaah Aizawl tluk pha reng an awm lo.

Nimin khan Lam­mual­­ah final khelh a ni a, Aizawl hian anmahni ang bawka group stage-a khing­puite hneh vek Ko­la­sib chu 8-0 in an sawp.

Aizawl tan hian K. Lalruatfeli'n goal li a khung a, Vanlalhriattiri'n goal hnih khung bawkin Grace Lalrampari leh Gladys Zonunsangi ten goal khat ve ve an khung bawk. K. Kawla Football-ah Aizawl hian champion turin match li lekah goal 33 an khung a, goal khat mah an chhuah lo.

Nizan khan mipa final-ah Lunglei leh Champhai an inkhel a, result kan hre hman lo.

Hmeichhe final
Kolasib 0 - 8 Aizawl
AIZ : K Lalruatfeli 20', 26', 58', 77'; Grace Lalrampari 22'; Lalhriattiri 67', 75'; Zonunsangi 69'