Mumbai hnehtu Sunrisers beiseina a sang

Indian Premier League khelh mekah Sunrisers Hyderabad chuan Thawhṭanni zan khan Mumbai Indians chu wicket sarihin an hneh a, an hmabak match khatah hnehna an chan chuan playoff an lut tawh ang.

Playoff khel tura tling chiang tawh Mumbai Indians an bat hmasa zawk a, run siam hnem ber Rohit Sharma chuan run 67 vaw chhuakin over 20-ah run 138 an tlin a, wicket sarih an hloh.

Sunrisers bat hun a thleng a, an mualah tlawm an duh lo. India squad-a koh hlim Shikhar Dhawan chuan ram tana khelh a phu zia pholangin run 62 ngawt a vaw chhuak a, a tawp thleng a dam.

Moises Henriques chuan run 44 siamin Dhawan a pui ṭha bawk a, Hyderabad hian over 18.2-ah an target umphaa wicket thum chiah hlohin hnehna an chang a ni.

Zanin Inkhel Tur
Gujarat Lions 08:00 PM Delhi Daredevils