Vawiin aṭangin TT tourney

Mizoram Table Ten­nis Association buat­saih MTTA Season Opening Table Tennis Cham­pionship, 2017 chu vawiin chun dar 12:00 aṭangin Mizoram Table Tennis Hall, Mission Vengah khelh ṭan a ni dawn.

Inelna hi category 14-ah ṭhen a ni dawn a, Mizoram hmun hrang hrang aṭangin MTTA hnuaia affiliated district an tel vek dawn - affiliated district/club 20 an inlan dawn a ni.

Tun ṭumah hian MTTA ruahman angin kalphung thar hman a ni dawn. Tournament kalphung tharah hian cadet category aṭanga senior category (men’s/women’s category) ah te chauh inelna neih ṭhin tawh tur a ruahman a ni.

Heng category - vete­ran, men’s above 35 singles, veteran (Above 45, 50, 55) te chu MTTA hnuaia Vete­ran Committee-in a hranpa liau liauin an tan tournament a buatsaih tawh zawk ṭhin dawn a ni.

Tuna Championship pawh hi kalphung thar niin, TTFI in national level Tournament a siam zinga Inter-Institutional TT Championship-a a point pek dan zulzuiin category tin a champion ten ranking point 120 ṭheuh an hmu ang.