Entry Fee pek tawp ni

Vawiin hi CYMA Football entry fee pek tawp ni a ni a, tun thlenga Branch YMA entry fee pe tawh zat chu team 105 an ni.

Entry fee hi vawiin tlai dar 5:00 thleng CYMA Office, Tuikhuahtlangah pek theih a ni ang a, hemi hnuah chuan pawm a ni tawh lo ang. Team list ziahna form chu entry fee pe tawh tan CYMA Office aṭangin a lak theih tawh bawk.

May 15, Thawhṭanni zan dar 8:00 hian CYMA Office-ah inelna 'Pet Hawnna' neih a ni dawn a, fixture semchhuah nghal tur a ni. Team khatah hian player 25 bakah coaching staff pali a ziah luh theih a, match neih ni apiangin player 20 thlanchhuah zel tur a ni.

CYMA Football hi ground pali Lammual, RG Stadium, Ramhlun Sports Complex leh Joint YMA Field, Vaivakawnah te khelh a ni ang a, heng inelna neihna tur hmuna harsatna a awm a nih chuan Republic Veng Khelmual chu invenna atan dah a ni bawk.